ممبئی: بالی ووڈ کنگ شاہ رخ خان نے سماجی خدمات پر سال 2018ء کا کرسٹل ایوارڈ اپنے نام کرلیا۔
بھارتی میڈیا رپورٹس کے مطابق سوئٹزر لینڈ میں ورلڈ اکنامک فورم کے تعاون سے ہر سال ایوارڈ کی تقریب منعقد کی جاتی ہے جس میں دنیا بھر میں سماجی خدمات سرانجام دینے والے سرفہرست افراد کو کرسٹل ایوارڈ سے نوازا جاتا ہے جب کہ اس بار یہ ایوارڈ تین شخصیات کو دیا جارہا ہے جن میں ہالی ووڈ کی اداکارہ کیٹ بلینچیٹ، برطانوی موسیقار سر ایلٹن جان اور بالی ووڈ کنگ شاہ رخ خان شامل ہیں، اس ایوارڈ کے تحت کنگ خان کی بچوں اور خواتین کے حقوق کے لیے کیے گئے اقدامات کو سراہا گیا ہے.
Thank u for this honour. I consider my work with these heroic & beautiful women a great privilege as it imparts dignity & purpose to my life. I hope to spread awareness of the unparalleled heroism of these ladies & reach out to others in order to carry this work to its conclusion https://t.co/i6cEU6go6V
— Shah Rukh Khan (@iamsrk) January 11, 2018
واضح رہے کہ شاہ رخ خان کو ’کرسٹل ایوارڈ‘ ان کی غیر منافع بخش تنظیم ’میر فاؤنڈیشن‘ کی خدمات پر دیا گیا ہے، یہ تنظیم تیزاب گردی کی شکار خواتین کو طبی سہولیات فراہم کرنے کے ساتھ انہیں قانونی مدد، روزگار کی تربیت اور اس صدمے سے بحالی کی سہولت فراہم کرتی ہے
