کراچی: پاکستان کے سرکاری زرمبادلہ کے ذخائر میں گزشتہ ہفتے 25 کروڑ 20 لاکھ ڈالر کی کمی دیکھی گئی، جس کے بعد ان کی مالیت 11 ارب 16 کروڑ ڈالر کی سطح پر پہنچ گئی۔
سٹیٹ بینک آف پاکستان کی جانب سے جاری کردہ اعدادوشمار کے مطابق، 7 فروری کو ختم ہونے والے ہفتے میں زرمبادلہ کے ذخائر میں یہ کمی ریکارڈ کی گئی۔ اس کمی کے بعد سرکاری ذخائر کی مالیت 11 ارب 16 کروڑ 66 لاکھ ڈالر ہو گئی۔
مرکزی بینک نے بتایا کہ کمرشل بینکوں کے پاس 4 ارب 69 کروڑ 60 لاکھ ڈالر کے ذخائر موجود ہیں، جس کے نتیجے میں 7 فروری کو زرمبادلہ کے مجموعی ذخائر 15 ارب 86 کروڑ 26 لاکھ ڈالر کی سطح پر ریکارڈ کیے گئے۔