اسلام آباد: حکومت نے ایل این جی کی قیمتوں میں اضافہ کر دیا ہے۔ اوگرا کی جانب سے جاری کردہ نوٹیفکیشن کے مطابق، سوئی ناردرن کے لیے ایل این جی کی قیمت 12.90 ڈالر فی ایم ایم بی ٹی یو مقرر کی گئی ہے، جبکہ سوئی سدرن کے لیے یہ قیمت 12.67 ڈالر فی ایم ایم بی ٹی یو ہوگی۔
یاد رہے کہ جنوری میں سوئی ناردرن کے لیے ایل این جی کی قیمت 12.66 ڈالر فی ایم ایم بی ٹی یو اور سوئی سدرن کے لیے 12.60 ڈالر فی ایم ایم بی ٹی یو تھی۔ اوگرا کا کہنا ہے کہ قیمتوں میں یہ اضافہ سپلائی لاگت میں اضافے کی وجہ سے کیا گیا ہے۔
