اسلام آباد: آرمی چیف جنرل عاصم منیر نے کہا کہ "خط کی باتیں صرف چالیں ہیں، مجھے کسی کا کوئی خط نہیں ملا۔" وزیراعظم ہاؤس میں ترک صدر کے اعزاز میں دیے گئے ظہرانے میں صحافیوں سے غیر رسمی گفتگو کرتے ہوئے آرمی چیف نے واضح کیا کہ اگر انہیں کوئی خط موصول ہوتا ہے تو وہ نہ تو اسے خود پڑھیں گے اور نہ ہی اس کا جواب دیں گے، بلکہ وہ وزیراعظم کو بھجوا دیں گے۔
آرمی چیف نے مزید کہا کہ ملک ترقی کی راہ پر گامزن ہے اور پاکستان بہت اچھے انداز میں آگے بڑھ رہا ہے۔یاد رہے کہ اس سے قبل پاکستان تحریک انصاف کے بانی عمران خان کی جانب سے آرمی چیف کو تیسرا خط لکھے جانے کی خبر سامنے آئی تھی۔