لاہور: وزیراعلیٰ پنجاب مریم نواز نے صوبے میں بے گھر افراد کے لیے 3 مرلہ مفت پلاٹ دینے کا اعلان کر دیا۔ پہلے مرحلے میں 22 اضلاع میں 33 اسکیموں کے تحت 1892 پلاٹس دیے جائیں گے۔
تفصیلات کے مطابق، راولپنڈی ڈویژن کے 4 اضلاع کی 5 اسکیمز میں 658 پلاٹ، فیصل آباد ڈویژن کے 5 اضلاع کی 4 اسکیمز میں 288 پلاٹ، اور لاہور ریجن کے 3 اضلاع کی 5 اسکیموں میں 518 پلاٹ دیے جائیں گے۔ اس کے علاوہ، بھکر ریجن کی 7 اسکیمز میں 131 پلاٹ، ملتان ریجن کے 5 اضلاع کی 9 اسکیمز میں 270 پلاٹ، اور بہاولپور کی 3 اسکیمز میں 27 پلاٹ دیے جائیں گے۔ حضرو، اٹک، جہلم، گجرات اور منڈی بہاؤالدین میں بھی پلاٹ دیے جائیں گے۔
انہوں نے اس موقع پر کہا کہ "پنجاب کے ہر شہری کے پاس اپنا گھر میرا خواب ہے، نادار اور مستحق لوگوں کا بھی حکومتی وسائل پر حق ہے۔ مفت پلاٹ کسی پر احسان نہیں ہوگا، ہم اپنا فرض ادا کر رہے ہیں۔"
