اسلام آباد : وزارت قانون و انصاف نے صدر مملکت کی منظوری کے بعد سپریم کورٹ میں 6 ججز کی تعیناتی کا نوٹیفکیشن جاری کر دیا ہے۔ جس کے تحت جسٹس میاں گل حسن اورنگزیب کو سپریم کورٹ کا ایکٹنگ جج مقرر کیا گیا ہے، جبکہ بلوچستان ہائیکورٹ کے چیف جسٹس جسٹس ہاشم کاکڑ کو سپریم کورٹ کا جج تعینات کیا گیا۔
اس کے علاوہ، جسٹس عامر فاروق، جسٹس شفیع صدیقی، اور جسٹس اشتیاق ابراہیم بھی سپریم کورٹ کے ججز کے طور پر تعینات کیے گئے ہیں۔ جسٹس صلاح الدین پنہور اور جسٹس شکیل احمد کو بھی سپریم کورٹ میں جج مقرر کیا گیا ہے۔
مزید برآں، جسٹس سرفراز ڈوگر کو اسلام آباد ہائیکورٹ کا قائم مقام چیف جسٹس جبکہ جسٹس اعجاز سواتی کو بلوچستان ہائیکورٹ کا قائم مقام چیف جسٹس مقرر کیا گیا ہے۔ جسٹس جنید غفار کو سندھ ہائیکورٹ کا قائم مقام چیف جسٹس مقرر کیا گیا ہے۔
