اسلام آباد: سینیٹر فیصل واوڈا نے کہا ہے کہ اب جو سزاؤں کا سلسلہ شروع ہوگا، وہ رکنے کا نہیں لے گا، اور اس میں کوئی نرمی نہیں ہوگی۔ انھوں نے مزید کہا کہ فیض حمید کی گواہی میں بانی پاکستان تحریک انصاف (پی ٹی آئی) کا پہلا نام سامنے آنا بدقسمتی ہے۔
فیصل واوڈا نے نجی ٹی وی چینل سے بات کرتے ہوئے سپریم کورٹ کے ملٹری کورٹس کے فیصلے پر تبصرہ کیا، جس کے تحت 85 افراد کے کیسز کی سماعت کی اجازت دی گئی۔ انہوں نے کہا کہ اس فیصلے میں کوئی حیرانی کی بات نہیں تھی کیونکہ یہ توقع کے مطابق تھا۔
ان کا کہنا تھا کہ 9 مئی کا واقعہ ریاست اور ملک کے خلاف تھا اور لوگوں نے ان واقعات کو مذاق بنا لیا تھا، لیکن اب سزاؤں کا آغاز ہو گا اور یہ سلسلہ رکنے کا نہیں۔ واوڈا نے مزید کہا کہ بانی پی ٹی آئی نے غنڈہ گردی اور بدمعاشی کے ذریعے وہ مقام حاصل کیا جس سے ان کی واپسی اب ممکن نہیں۔
سینیٹر واوڈا نے کہا کہ عدالتیں اسی طرح وفادار ہیں جیسے ہم ہیں، اور 9 مئی کے ملزمان کے خلاف کافی شواہد اور گواہیاں موجود ہیں۔ ان کا کہنا تھا کہ فیض حمید سمیت دیگر ملزمان کا ٹرائل ایک ہی جگہ ہو گا اور فیض حمید کی گواہی کے نتیجے میں بانی پی ٹی آئی کا نام سامنے آیا ہے، جس سے بشریٰ بی بی کی مشکلات بھی بڑھ گئی ہیں۔
