اسلام آباد:پاکستان میں پولیو کے 4 مزید کیسز سامنے آنے کے بعد اس سال پولیو کے کیسز کی مجموعی تعداد 63 ہو گئی ہے۔ قومی ادارہ صحت (این آئی ایچ) نے پولیو کے نئے کیسز کی تصدیق کی ہے، جن میں وائلڈ پولیو وائرس ٹائپ 1 (WPV1) کے 4 کیسز شامل ہیں۔
حکام کے مطابق، یہ کیسز مختلف علاقوں سے رپورٹ ہوئے ہیں جس میں ڈی آئی خان سے پولیو کا نواں کیس، ٹانک اور جیکب آباد سے تیسرا کیس، سکھر سے اس سال کا پہلا کیس ہے۔
پولیو کے مجموعی 63 کیسز میں سے 26 کا تعلق بلوچستان، 18 کا خیبرپختونخوا، 17 کا سندھ، ایک کا پنجاب اور ایک اسلام آباد سے ہے۔
