کراچی : پاکستان سٹاک مارکیٹ میں ایک نیا سنگ میل عبور کیا گیا ہے، جہاں ہنڈرڈ انڈیکس نے 1 لاکھ 15 ہزار 172 پوائنٹس کی بلند ترین سطح کو چھو لیا۔ یہ ریکارڈ کاروباری ہفتے کے پانچویں اور آخری روز قائم ہوا، جب سٹاک ایکسچینج میں زبردست تیزی دیکھی گئی۔
ٹریڈنگ کے دوران سٹاک مارکیٹ میں 600 سے زائد پوائنٹس کا اضافہ ہوا، جس سے ہنڈرڈ انڈیکس ایک لاکھ 15 ہزار 172 پوائنٹس کی سطح پر پہنچ گیا۔ اس سے قبل گزشتہ کاروباری روز کے اختتام پر ہنڈرڈ انڈیکس 3 ہزار 370 پوائنٹس اضافے کے ساتھ 1 لاکھ 14 ہزار 180 پوائنٹس کی سطح پر بند ہوا تھا۔
