اسلام آباد:وزیر اعظم کے معاون خصوصی ڈاکٹر شہباز گل نے کہا پیپلزپارٹی میں عام آدمی کیلئے کوئی جگہ نہیں ،سندھ پر مسلط پارٹی نے سندھ کے عوام کو صرف اندھیرے دیئے،ہر دور میں عوام کو نعرہ لگا کر لوٹا لیکن پینے کا صاف پانی تک نہ دے سکے ۔
معاون خصوصی شہباز گل نے اپنے ایک بیان میں کہا ہے کہ پیپلز پارٹی نے ہر دور میں عوام کا نعرہ لگا کر لوٹاجو پارٹی پینے کا صاف پانی نہ دے سکے اسے عوامی نعرے لگانے کا حق نہیں۔گزشتہ تین دہائیوں سے عوام پیپلز پارٹی کے لارے دیکھ رہی ہے۔
انہوں نے کہا کرپشن کی بدولت پرچی چیئرمین کی پارٹی علاقائی پارٹی رہ گئی ہے،عوام کی چھت چھین کر سرے محل اور دبئی جائیدادیں بنائیں۔پنجاب پر نظریں جمانے والے خواب غفلت سے جاگیں۔
شہبا ز گل نے کہا سندھ کے ڈاکو پنجاب کو چھوڑیں سندھ کی خبر لیں۔سندھ چھننے کے ڈر سے متنازع بلدیاتی قوانین لائے جا رہے ہیں۔سندھ سرکار عوام کے حق سلب کرنا چاہ رہی ہے۔آبائی حلقے سے ہارنے والے پرچی چیئرمین پہلے لاڑکانہ سے جیتیں۔