اسلام آباد: نومنتخب وزیراعظم شہباز شریف نے پاکستان کرکٹ ٹیم کے مایہ ناز سابق کپتان اور جارح مزاج بلے باز شاہد آفریدی کی مبارکباد پر جواب دیتے ہوئے کہا کہ پاکستان چیلنجز سے ضرور نکلے گا۔
تفصیلات کے مطابق شاہد خان آفریدی نے شہباز شریف کے وزیراعظم منتخب ہونے پر مبارکباد کا پیغام دیا تھا۔ انہوں نے ٹوئٹر پر جاری پیغام میں لکھا تھا’شہباز شریف صاحب کو پاکستان کا 23 واں وزیراعظم منتخب ہونے پر مبارکباد پیش کرتا ہوں اور امید کرتا ہوں کہ وہ اپنی بہترین انتظامیہ صلاحیتوں کو بروئے کار لاتے ہوئے پاکستان کو موجودہ معاشی اور سیاسی بحرانوں سے نکالنے میں کامیاب ہوں گے۔‘
شہباز شریف صاحب کو پاکستان کا 23واں وزیر اعظم منتخب ہونے پر مبارکباد پیش کرتا ہوں اور اُمید کرتا ہوں کہ وہ اپنی بہترین انتظامی صلاحیتوں کو بروکار لاتے ہوئے پاکستان کو موجودہ معاشی اور سیاسی بحرانوں سے نکالنے میں کامیاب ہوں گے ۔ #PakistanZindabad ???????? @CMShehbaz
— Shahid Afridi (@SAfridiOfficial) April 11, 2022
اب وزیراعظم شہباز شریف نے شاہد خان آفریدی کو جواب دیتے ہوئے لکھا ہے کہ ’مبارکباد دینے کیلئے بہت شکریہ آفریدی صاحب۔ انشاءاللہ پاکستان چیلنجز سے نکلے گا۔ میرا فوری کام شدید مہنگائی کے مارے عوام کو معاشی ریلیف فراہم کرنا ہے۔‘
Thank you Afridi sahib for your greetings. Pakistan will come out of the challenges IA. The immediate task is to provide economic relief to the people who have been hit hard by inflation.
— Shehbaz Sharif (@CMShehbaz) April 12, 2022
