فلوریڈا: طوفان ملٹن سے 50 ارب ڈالر کا نقصان ہوا ہے۔ رپورٹ کے مطابق امریکی صدر نے جرمنی کا دورہ منسوخ کردیا ہے۔ صدر جو بائیڈن کا کہنا ہے کہ ریاست فلوریڈا میں طوفان ملٹن سے ہونے والے نقصانات کی تخمینہ 50 ارب ڈالر تک ہے۔
انہوں نے صحافیوں سے گفتگو کرتے ہوئے اس بات کا ذکر کیا کہ وہ اتوار کو فلوریڈا کا دورہ کریں گے، جہاں طوفان کے اثرات کے ساتھ ساتھ امریکی صدارتی انتخابات پر بھی اثرات مرتب ہوتے ہوئے نظر آ رہے ہیں۔
بائیڈن نے یہ بھی بتایا کہ انہوں نے اپنا جرمنی کا دورہ منسوخ کیا ہے، جہاں وہ یوکرین کے حامیوں اور صدر زیلنسکی سے ملاقات کرنے والے تھے۔
فلوریڈا میں طوفان ملٹن نے بڑے پیمانے پر تباہی مچائی ہے، جس کے نتیجے میں بڑی تعداد میں گھروں، عمارتوں، اور تفریح گاہوں کو نقصان پہنچا ہے۔ اس المناک واقعے کے نتیجے میں فلوریڈا میں اموات کی تعداد 16 تک پہنچ گئی ہے، جبکہ سینکڑوں افراد زخمی بھی ہوئے ہیں۔
