ٖ
غزہ: اسرائیل فلسطین جنگ چھٹے روز بھی جاری ہے، اسرائیل کے غزہ پر پر تشدد حملے جاری ہیں۔
غیر ملکی میڈیا کے مطابق غزہ پر اسرائیلی حملے سے اقوامِ متحدہ کے 9 ملازمین بھی مارے گئے، غزہ کے علاقے خان یونس میں گھر پر اسرائیلی بمباری کے بعد وہاں سے 7 لاشیں برآمد کی گئی ہیں۔ غیر ملکی میڈیا کے مطابق ہفتے کے روز سے محصور پٹی پر اسرائیلی حملوں میں شہید فلسطینیوں کی تعداد 1100 ہو گئی ہے جبکہ 5 ہزار زخمی ہیں۔
غیر ملکی میڈیا کے مطابق اسرائیلی فوج نے حماس کی بحری فوج کے رہنما محمد ابو شاملہ کو ہلاک کرنے کا اعلان کیا ہے۔
الجيش الإسرائيلي يعلن قتل محمد أبو شمالة القيادي في القوة البحرية التابعة لحماس
— العربية (@AlArabiya) October 12, 2023
#العربية pic.twitter.com/4KRpL3MxAY
غیر ملکی میڈیا کے مطابق ایک فلسطینی ایمبولینس ڈرائیور لاشوں کے انبار دیکھ کر اپنے جذبات پر قابو نہ رکھ سکا اور پھوٹ پھوٹ کر رونے لگا۔
لم يتحمل المشهد.. سائق سيارة إسعاف فلسطيني يبكي بحرقة بسبب تزايد أعداد القتلى الفلسطينيين الذين يقوم بنقلهم#فلسطين #إسرائيل #العربية pic.twitter.com/uEOTAzIBKh
— العربية (@AlArabiya) October 11, 2023
حماس کے حملے میں مارے گئے افراد کی مزید لاشیں برآمد ہونے کے بعد ہلاک اسرائیلی فوجیوں کی تعداد 220 ہو گئی ہے۔ غیر ملکی میڈیا کی رپورٹ کے مطابق حماس کے الاقصیٰ آپریشن میں ہلاک اسرائیلیوں کی تعداد 1300ہو گئی ہے۔
ارتفاع الحصيلة الإٍسرائيلية المعلنة حتى الآن لقتلى الجيش إلى 220 ضابطا وجنديا
— العربية (@AlArabiya) October 12, 2023
#العربية
لآخر التطورات تابعونا على رابط البث المباشر
https://t.co/Ngvqa9yzys pic.twitter.com/0WQjxMD8cw
علاوہ ازیں اسرائیل نے غزہ پر زمینی حملے کی تیاری بھی کر لی ہے اور 3 لاکھ صہیونی فوجی، ٹینک اور بھاری فوجی ساز و سامان سرحد پر پہنچا دیا گیا ہے
اسرائیل پر حماس کے حملوں میں امریکا نے اپنے 22 شہریوں کے ہلاک ہونے کی تصدیق کر دی۔ غیر ملکی میڈیا کے مطابق منگل کو امریکی صدر نے 14 امریکیوں کے ہلاک ہونے کی تصدیق کی تھی تاہم اب یہ تعداد بڑھ کر 22 ہو گئی ہے۔ دوسری جانب جرمنی نے اپنے 5 ہزار شہریوں کو اسرائیل چھوڑنے کا حکم دے دیا ہے۔
یاد رہے کہ گزشتہ ہفتے حماس کی جانب سے اسرائیل پر جوابی کارروائی کی گئی تھی اور اس کے بعد دونوں جانب سے ایک دوسرے پر حملے جاری ہیں۔
