راولپنڈی: پاکستان میں نئے تعینات ہونے والے افغان سفیر نے آرمی چیف جنرل قمر جاوید باجوہ سے ملاقات کی جس میں علاقائی سیکورٹی صورتحال اور افغان امن عمل پر تفصیلی بات چیت کی گئی۔
پاک فوج کے شعبہ تعلقات عامہ کے مطابق آرمی چیف نے افغان سفیر کو پاکستان میں تعیناتی پر خوش آمدید کہا۔ دونوں رہنماوں نے ملاقات میں دفاع اور سیکیورٹی کے شعبوں میں پاکستان اور افغانستان کے درمیان تعاون کے معاملات پر بھی تبادلہ خیال کیا گیا۔
Afghanistan ambassador 2 #Pakistan met #COAS. COAS welcomed Amb & expressed hope that his services will help optimize Pak - Afg bilateral relations.
— DG ISPR (@OfficialDGISPR) November 12, 2020
Regional security situation, ongoing Afghan Peace Process, border management & defence and security cooperation were discussed. pic.twitter.com/dlzmm8zClY
اس موقع پر افغان سفیر کے ساتھ گفتگو کرتے ہوئے آرمی چیف جنرل قمر جاوید باجوہ کا کہنا تھا کہ ان کی تعیناتی سے پاک افغان تعلقات مزید بہتر ہوں گے۔
اس سے قبل آرمی چیف جنرل قمر جاوید باجوہ سے وزیراعظم آزاد کشمیر راجہ فاروق حیدر نے ملاقات کی اور اس موقع پر پاک فوج کے سپہ سالار نے فاروق حیدر کے ساتھ کنٹرول لائن اور مقبوضہ کشمیر کی صورتحال پر بات چیت کی گئی۔
Prime Minister AJ& K Raja Muhammad Farooq Haider Khan met #COAS. Matters of mutual interest particularly situation on LOC & IIOJ&K discussed. COAS reiterated Pakistan Army’s utmost support and commitment to #Kashmir cause & the people of Kashmir. pic.twitter.com/NmMzWfrB8L
— DG ISPR (@OfficialDGISPR) November 12, 2020
ڈی جی آئی ایس پی آر کے مطابق جنرل قمر جاوید باجوہ اور آزاد کشمیرکے وزیراعظم راجہ فاروق حیدر کے درمیان ہونی والی ملاقات میں باہمی دلچسپی کے امور پر بھی تفصیلی بات چیت کی گئی۔ آرمی چیف جنرل قمر جاوید باجوہ کا کہنا تھا کہ پاک فوج مسئلہ کشمیر اور کشمیری عوام کی بھر پور انداز میں حمایت جاری رکھے گی۔
