لاہور: اذلان شاہ ہاکی ٹورنامنٹ میں شاندار کارکردگی دکھانے کے بعد قومی ہاکی ٹیم کوالالمپور سے لاہور پہنچ گئی ہے۔ ہاکی آفیشنلز اور ہاکی پلئیرز نے ایئرپورٹ پر کھلاڑیوں کا استقبال کیا۔
قومی ہاکی ٹیم نے اذلان شاہ ہاکی ٹورنامنٹ میں سلور میڈل حاصل کیا ہے۔ چیئرمین پرائم منسٹر یوتھ افیئرز رانا مشہود نے کھلاڑیوں کا استقبال کیا۔
قومی ہاکی ٹیم کے استقبال کیلیے سابق اولمپئینز اختر رسول، محمد ثقلین، شہباز سینئیر، خالد حمید، انجم سعید،ملک شفقت اور محمد شفیق بھی ایئرپورٹ پر موجود تھے۔
