مظفرآباد :وزیر اعظم آزاد کشمیر چوہدری انوار الحق کاکہنا ہے کہ عوامی ایکشن کمیٹی جس سطح پر بات کرنا چاہتی ہے ہم تیار ہیں، جو مطالبات حکومت پاکستان سے جڑے ہیں انہیں وفاق کے سامنے اٹھایا جائے گا۔وزیر اعظم آزاد کشمیر چوہدری انوار الحق نے میڈ یا سے گفتگو کرتے ہوئے کہاکہ عوامی ایکشن کمیٹی جس سطح پر بات کرنا چاہتی ہے ہم تیار ہیں، جو مطالبات حکومت پاکستان سے جڑے ہیں انہیں وفاق کے سامنے اٹھایا جائے گا۔
انہوں نے کہا کہ ہمارا دشمن مکار ہے، پبلک سکیورٹی ہماری ترجیح ہے،آزادکشمیر میں حکومت کی تحمل کی پالیسی کی بدولت جانی نقصان نہیں ہوا،سوشل میڈیا پر پروپیگنڈا کیا جارہا ہے،جلاؤ ،گھیراو کے باوجود آزادکشمیر پولیس صبر کا مظاہرہ کر رہی ہے۔
وزیر اعظم آزاد کشمیر کا کہنا تھا کہ آزادکشمیر میں عوامی ایکشن کمیٹی نے مطالبات کیلئے لانگ مارچ کا اعلان کیا، احتجاج کرنے والوں میں کچھ شر پسند تھے، حکومت نے یقینی بنایا کہ احتجاج کے دوران طاقت کا استعمال نہ ہو۔
انوارالحق نے کہا کہ آزادکشمیر میں تنخواہوں کی مد میں 18 ارب روپے خرچ کیے، آٹے اوربجلی کی قیمتوں میں ریلیف کیلئے عوام ایکشن کمیٹی کو مذاکرات کی دعوت دیتے ہیں، سوشل میڈیا پر مختلف ڈپٹی کمشنرز کے استعفوں کی جعلی خبریں پھیلائی گئیں۔
انہوں نے بتایا کہ عوامی ایکشن کمیٹی سے مذاکرات کے نتیجے میں ایک معاہدہ ہوا ، حکومت اس معاہدہ پر عملدرآمد کیلئے پُرعزم ہے۔
