لاہور سمیت مختلف شہروں میں بارش سے گرمی کی شدت میں کمی

لاہور:  مختلف شہروں میں کہیں ہلکی تو کہیں تیز بارش ہوئی جس کے بعد گرمی کی شدت میں کمی آگئی ہے۔ بارش کے باعث گرمی کا زور ٹوٹنے سے موسم خوش گوار ہو گیا۔
پنجاب کے مختلف شہروں میں علی الصبح بارش ہوئی۔  صوبائی دارالحکومت لاہور میں شملہ پہاڑی، لکشمی چوک، گوالمنڈی، قرطبہ چوک، ڈیوس روڈ، مال روڈ، اچھرہ، قینچی، چونگی امر سدھو، گجومتہ، اسلامپورہ، بند روڈ، انار کلی، شالامار باغ، ماڈل ٹاؤن، گلبرگ، گارڈن ٹاؤن سمیت دیگر مقامات پر کہیں بوندا باندی تو کہیں بادل خوب برسے۔
لاہور کے علاوہ مریدکے، شیخوپورہ، ننکانہ صاحب، صفدر آباد، جڑانوالہ، فیصل آباد، چنیوٹ، ٹوبہ ٹیک سنگھ، کامونکی، اوکاڑہ، جھنگ، بہاولپور، رینالہ خورد، کوٹ ادو، بھلوال، کبیروالا، حافظ آباد، منچن آباد، شورکوٹ، پاکپتن اور دیگر شہروں میں بھی صبح کے وقت بادل برسے۔