کراچی: پاکستان اسٹاک ایکسچینج میں آج کاروباور کا آغاز مثبت زون میں ہوا اور انڈیکس میں سو سے زائد پوائنٹس کا اضافہ ہوا۔
کاروباری ہفتے کے دوسرے روز جب مارکیٹ کھلی تو انڈیکس33283 پر تھا اور شروع میں سرمایہ کار کافی متحرک دکھائی دیئے۔اسٹاک ایکسچینج میں تیزی کے سبب ایک وقت میں انڈیکس33 ہزار کی500 کی سطح بھی عبور کر گیا تھا۔
اسٹاک ایکسچینج سے آخری خبریں آنے تک انڈیکس33 ہزار418 پر ٹریڈ کر رہا تھا اور 25,229,604 شیئرز کا لین دین ہوا جن کی مالیت1,130,671,535 پاکستانی روپے رہی۔رواں ہفتے کے پہلے روز اسٹاک مارکیٹ میں ملاجلا رحجان رہا اور کاروبار کے اختتام پر انڈیکس میں صرف16 پوائنٹس کا اضافہ ہوا تھا۔
گزشتہ ہفتے اسٹاک مارکیٹ میں مجموعی طور پر منفی رحجان رہا اور پانچ روز میں انڈیکس8 سے زائد پوائنٹس نیچے آیا۔ کورونا وائرس کے سبب اسٹاک مارکیٹ میں بھی کاروباری سرگرمیاں ماند ہیں اور خریدار نہ ہونے کے سبب مندی کا رحجان دیکھنے میں آ رہا ہے۔
