لاہور : تعلیم کے فروغ کے لیے وزیراعلیٰ پنجاب مریم نواز نے صوبے میں 'سی ایم ایجوکیشن کارڈ' متعارف کرانے کا فیصلہ کیا ہے۔ اس منصوبے کے تحت، 80 فیصد سے زیادہ نمبر لینے والے طلبہ کو سی ایم ایمننس اسٹار کارڈ دیا جائے گا، جو ان کی تعلیمی کامیابیوں کا اعتراف ہوگا۔
اس کے علاوہ، وزیراعلیٰ نے میٹرک ٹیک کے لیے اسٹیٹ آف دی آرٹ لیب بنانے کا بھی اعلان کیا، تاکہ طلبہ کو جدید تعلیمی سہولتیں فراہم کی جا سکیں۔ لاہور کے 338 سکولوں میں انگلش بول چال کی کلاسز کے پائلٹ پراجیکٹ کا بھی آغاز کیا جائے گا، جس کا مقصد طلبہ کی انگلش بولنے کی صلاحیتوں کو بہتر بنانا ہے۔
وزیراعلیٰ نے سکولوں میں پینے کے پانی، وائٹ واش اور فرنیچر کی فراہمی کے لیے 90 دن کی ڈیڈ لائن دی ہے اور کہا کہ پنجاب میں معیار تعلیم کی بہتری ان کا اولین ہدف ہے۔ انہوں نے مزید کہا کہ طلبہ کو وطن سے محبت اور اخلاقیات کی پابندی کی اہمیت سے آگاہ کرنا ضروری ہے۔