کراچی :سندھ میں کس کو کونسی وزارت ملے گی، اس کا فیصلہ ہوگیا ہے۔ پیپلزپارٹی کی قیادت نے اس حوالےسے فیصلہ کرلیاہے۔
ناصر حسین شاہ وزیراطلاعات، شرجیل میمن ایکسائز اینڈ ٹیکسیشن اور ٹرانسپورٹ، سردار شاہ تعلیم اور معدنیات، ذوالفقار شاہ وزیر ثقافت اور جام خان شورو وزیرآب پاشی ہوں گے۔اسی طرح عذرا پیچوہو کو صحت، محمد بخش مہر کو اینٹی کرپشن اور سپورٹس، سعید غنی کو بلدیات اور پبلک ہیلتھ جبکہ علی حسن زرداری کو جیل خانہ جات کے قلمدان دیے جائیں گے۔
واضح رہے کہ 27 فروری کو پاکستان پیپلز پارٹی کے رہنما مراد علی شاہ نے لگاتار تیسری مرتبہ وزیر اعلیٰ سندھ کے عہدے کا حلف اٹھایا تھا اور وہ سندھ کے 38ویں وزیر اعلیٰ بن گئے تھے۔واضح رہے کہ سندھ کابینہ کا آج حلف اٹھانے کا امکان ہے، پہلے مرحلے میں 10 رکنی کابینہ حلف اٹھائے گی۔
