لاہور: (ارسلان جاوید) سابق کرکٹر عمران نذیر نے کہا ہے کہ شعیب ملک کو پاکستانی ٹیم کا کپتان ہونا چاہیے کیونکہ وہ تجربہ کار کھلاڑی ہیں جبکہ شعیب ملک ٹیم کی ضرورت بھی ہیں اور دباو کا سامنا کرنا جانتے ہیں۔
تفصیلات کے مطابق عمران نذیر نے شعیب ملک کے حوالے سے کہا ہے کہ وہ تجربہ کار کھلاڑی ہیں اور وہ قومی کرکٹ ٹیم کی ضرورت ہیں کیونکہ وہ دباؤ کا سامنا کرنا جانتے ہیں اور انہیں کپتان ہونا چاہیے، تجربے کا کوئی نعم البدل نہیں اور وہ سب سے فٹ کھلاڑی ہیں اگر ان کی آنکھ کا مسئلہ ہے تو نظر کا ٹیسٹ لے لیں .
ان کا مزیر کہنا تھا کہ ہمیشہ لاہور قلندرز کو اسپورٹ کیا لاہور قلندرز اب بھی فیورٹ ہے جبکہ لاہور قلندرز کو اس وقت بھی فیورٹ قرار دیتا تھا جب کوئی پسند نہیں کرتا تھا۔ لاہور قلندرز نے نوجوانوں کے لئے وہ کام کئے جو کسی اور نے نہیں کئے۔ پی ایس ایل کا شروع ہونا خوش آئند ہے یہ کرکٹ لورز کو خوشیاں دیتی ہے۔ پاکستان ٹیم کو مضبوط بنانے کی ضرورت ہے یہاں کسی کو اپنے نمبر کا نہیں علم۔
عمران نذیر نے کہا ٹی ٹونٹی ورلڈ کپ سر پر ہے کسی کو نہیں علم اوپنر کون اور مڈل آرڈر میں کس نے آنا۔ ٹیم بنائیں اسے اعتماد دیں لیکن ورلڈ کپ میں یکدم کسی کو کھلایا تو اس پر دباؤ ہو گا۔ فخر زمان اور شرجیل خان سے اوپن کرائیں۔ شرجیل خان میں ٹیلنٹ ہے مسلسل کھلا کر اعتماد دیں۔ ڈومیسٹک کرکٹ میں کھلاڑیوں کو پختہ ہونے دیں پھر موقع دیں اور حیدر علی میں اوپننگ کا ٹچ نظر آتا ہے وہ جہاں کھیلتے آئے وہاں کھلائیں۔
