شعیب اختر باﺅلنگ کے لیے جب دوڑتے تو میں ڈر جاتا تھا :یووراج سنگھ

متفرق خبریں کھیل 
 
شعیب اختر باﺅلنگ کے لیے جب دوڑتے تو میں ڈر جاتا تھا :یووراج سنگھ

نئی دہلی: گزشتہ دنوں انٹرنیشنل کرکٹ سے ریٹائرمنٹ کا اعلان کرنے والے بھارتی بیٹسمین یووراج سنگھ نے اس بات کا اعتراف کیا ہے کہ وہ شعیب اختر کی باﺅلنگ سے خوفزدہ رہتے تھے۔

سماجی رابطے کی ویب سائٹ ٹوئٹر پر پوسٹ کرتے ہوئے سابق جارحانہ بھارتی بلے باز نے کہا کہ شعیب اختر باﺅلنگ کے لیے جب دوڑتے تو میں ڈر جاتا تھا اور کھیلنے کیلئے بڑا حوصلہ دکھانا پڑتا تھا۔ریٹائرمنٹ کے اعلان پر شعیب اختر نے ان کیلئے نیک خواہشات کا اظہار کرتے ہوئے کہا تھا کہ یووراج راک سٹار،میچ ونر، بہترین دوست اور زبردست جونیئر ہیں۔

اوگرا نے سوئی گیس کمپنیوں کے لیے آر ایل این جی کی نئی قیمتوں کا تعین کر دیا

راولپنڈی ایکسپریس نے مزید کہا کہ بھارت نے آپ سے بہتر لیفٹ ہینڈ بیٹسمین پیدا نہیں کیا۔ یووراج سنگھ نے نیک خواہشات کیلئے شعیب اختر کا شکریہ بھی ادا کیا۔

یاد رہے کہ 37 سالہ یووراج سنگھ نے اپنے ون ڈے کیریئر کا آغاز 2000 میں کینیا کے خلاف کیا تھا جبکہ ٹیسٹ کرکٹ میں ان کی انٹری 2003 میں نیوزی لینڈ کے خلاف میچ میں ہوئی۔انہوں نے 40 ٹیسٹ ، 304 ون ڈے اور 58 ٹی20 مقابلوں میں بھارت کی نمائندگی کی۔ یووراج سنگھ نے ٹیسٹ کرکٹ میں 33 کی اوسط سے 1900، ون ڈے کرکٹ میں 36 کی اوسط سے 8701 رنز جبکہ ٹی 20 کرکٹ میں 1177 رنز بنائے۔

سندھ میں تیل و گیس کے نئے ذخائر کی بڑی دریافت