لاہور :پاکستان کرکٹ بورڈ (پی سی بی) نے آئی سی سی چیمپئنز ٹرافی کے لیے ابتدائی اسکواڈ میں 20 کھلاڑیوں کے نام آئی سی سی کو جمع کرا دیے ہیں۔ پی سی بی ذرائع کے مطابق، ان 20 کھلاڑیوں کی فہرست کا اعلان ابھی تک نہیں کیا گیا ہے۔ تاہم، 11 فروری کو حتمی اسکواڈ کے اعلان سے قبل پاکستان سہ فریقی سیریز کے دو میچز بھی کھیل چکا ہوگا۔
ذرائع کا کہنا ہے کہ حتمی اسکواڈ کے لیے صائم ایوب کی فٹنس پر واضح صورتحال سامنے آ جائے گی، اور ان کھلاڑیوں میں شامل کھلاڑی سہ فریقی سیریز میں حصہ لیں گے۔ سہ فریقی سیریز کے لیے فخر زمان کو موقع ملنے کا امکان ہے، اور اس سیریز کے لیے اسکواڈ میں زیادہ تبدیلیاں نہیں کی گئی ہیں۔
صائم ایوب کی چیمپئنز ٹرافی میں شرکت ان کی فٹنس پر منحصر ہے۔ 11 فروری تک ابتدائی اسکواڈ میں تبدیلیاں کی جا سکتی ہیں، لیکن 12 فروری کے بعد آئی سی سی کی ٹیکنیکل کمیٹی کی اجازت کے بغیر کوئی تبدیلی نہیں کی جا سکے گی۔
