کراچی: پاکستان کرکٹ ٹیم کے سابق کپتان اور عظیم بلے باز حنیف محمد کو بعد از مرگ پی سی بی ہال آف فیم میں شامل کرلیا گیا۔
بدھ کے روز نیشنل اسٹیڈیم میں چیئرمین پی سی بی محسن نقوی نے حنیف محمد کی خدمات کے اعتراف میں ان کے صاحبزادے، سابق ٹیسٹ کرکٹر شعیب محمد کو خصوصی کیپ اور شیلڈ پیش کی۔
حنیف محمد، جو "لٹل ماسٹر" کے نام سے مشہور تھے، نے 55 ٹیسٹ میچز میں 3915 رنز بنائے، جن میں 12 سنچریاں اور 15 نصف سنچریاں شامل ہیں۔ وہ پاکستان کے لیے ٹیسٹ کرکٹ میں پہلی ٹرپل سنچری بنانے والے بیٹر تھے، جبکہ فرسٹ کلاس کرکٹ میں 499 رنز کا عالمی ریکارڈ بھی ان کے نام ہے۔
