اسلام آباد: حکومت نے بجلی کے نرخوں میں فی یونٹ 1 روپے 23 پیسے تک کمی کا فیصلہ کیا ہے۔
حکومت کی جانب سے جاری کردہ نوٹیفکیشن کے مطابق، سرکاری ڈسکوز کے صارفین کے لیے بجلی کی قیمت میں 1 روپے 22 پیسے جبکہ کے الیکٹرک کے صارفین کے لیے 1 روپے 23 پیسے کی کمی کی گئی ہے۔
یہ کمی ماہانہ فیول پرائس ایڈجسٹمنٹ (ایف سی اے) کی بنیاد پر کی گئی ہے۔ سرکاری ڈسکوز کے صارفین کے لیے دسمبر کے ایف سی اے کے مطابق جبکہ کے الیکٹرک کے صارفین کے لیے نومبر کے ایف سی اے کے مطابق قیمتوں میں کمی کی گئی ہے۔نوٹیفکیشن کے مطابق، یہ کمی فروری کے بلوں میں لاگو ہوگی۔
