کراچی: چوکوں اور چھکوں کا میلہ لاہور سے کراچی منتقل ہو گیا ہے۔ سہ ملکی سیریز میں پاکستان اور جنوبی افریقہ کا اہم ترین میچ آج نیشنل سٹیڈیم کراچی میں کھیلا جائے گا۔ فاتح ٹیم فائنل میں جگہ بنائے گی جہاں جمعہ کو نیوزی لینڈ سے مقابلہ ہوگا۔پاکستانی ٹیم کی نظریں کیویز کے خلاف ابتدائی شکست کا بدلہ لینے پر مرکوز ہوں گی، جبکہ پروٹیز کے خلاف اپنے حالیہ جیت نے ٹیم کے حوصلے کو بلند کر رکھا ہے۔
محمد حسنین کی انجری کی وجہ سے حارث رؤف ٹیم میں واپس آئیں گے، جبکہ سعود شکیل کی شمولیت کے لیے کامران غلام کو ٹیم سے باہر کر دیا گیا ہے۔ فخر زمان ایک مرتبہ پھر ٹیم کا اہم حصہ ہوں گے، اور بابر اعظم و محمد رضوان سے بھی میچ جیتنے کی توقع کی جا رہی ہے۔
پچ بیٹنگ کے لیے بہترین دکھائی دیتی ہے، اور ٹاس جیتنے والی ٹیم پہلے بیٹرز کو آزمانے کا فیصلہ کر سکتی ہے۔ جنوبی افریقی اسکواڈ میں اہم کھلاڑیوں کی شمولیت سے میچ میں مزید دلچسپی پیدا ہو گی۔ ہینرچ کلاسن اور پیسرز کاربن بوش، کوینا مپھاکا بھی اس میچ کا حصہ بن سکتے ہیں۔
