دبئی : دبئی کے ولی عہد اور ایگزیکٹو کونسل کے چیئرمین شیخ حمدان بن محمد بن راشد ال مکتوم نے کہا ہےکہ متحدہ عرب امارات کے نائب صدر، وزیر اعظم اور دبئی کے حکمران شیخ محمد بن راشد ال مکتوم کے وژن نے امارت کو ایک ترجیحی علاقائی اور عالمی سرمایہ کاری کی منزل کے طور پر ابھرنے کے لئے ٹھوس بنیادیں فراہم کیں۔ شیخ حمدان بن محمد نے کہا کہ دبئی کی اعلی درجہ بندی براہ راست غیر ملکی سرمایہ کاری کے لئے اس شہر کی پرکشش حیثیت کی توثیق ہے۔
فنانشل ٹائمز کے ایف ڈی آئی انٹیلی جنس میں شائع ہونے والی رپورٹ کے مطابق دبئی کو عالمی سطح پر مجموعی طور پر تیسرا اور "Major Cities" کی کیٹیگری میں دوسرے نمبر پر رکھا گیا ہے۔ شیخ حمدان بن محمد نے کہا کہ دبئی کے سرمایہ کاری کے مربوط ماحول اور تیاری نے اسے سرمایہ کاری کے مواقع کے لئے عالمی سطح پر ایک انتہائی اہم مرکز بنا دیا ہے۔
انھوں نے کہا کہ امارت کے دنیا میں بہترین سخت اور نرم انفراسٹرکچر نے اسے اعلیٰ نمو کی اعلیٰ صلاحیت کے بین الاقوامی ایف ڈی آئی مقامات میں جگہ دی ہے۔ دبئی کے سرمایہ کاری کے ماحول کے اسٹریٹجک محرکوں کو مضبوط بنانا اور موجودہ ماحول میں پائے جانے والے چیلنجوں کو امپیکٹ ایف ڈی آئی اور پائیدار ترقی کے شعبوں میں تازہ مواقع میں تبدیل کرنا قیادت کی اولین ترجیحات ہیں۔
انھوں نے کہا کہ اس رپورٹ سے دبئی کی حوصلہ افزائی ہوتی ہے کہ وہ مزید عالمی کاروباروں کیلئے مواقع پیدا کرکے علاقائی اور عالمی منڈیوں میں اپنی ترقی اور توسیع میں اضافہ کرے۔