ممبئی: بالی ووڈ کے مشہور اداکار اکشے کمار فلم 'ہاؤس فل 5' کے سیٹ پر ایک حادثے میں زخمی ہو گئے ہیں۔ ذرائع کے مطابق، اکشے کمار ایک اسٹنٹ کے دوران اچانک زخمی ہوئے، جب ایک چیز اڑتے ہوئے ان کی آنکھ میں جا لگی۔
سیٹ پر فوراً ماہر امراض چشم کو بلایا گیا، جنہوں نے اکشے کی آنکھ پر پٹی باندھی اور انہیں آرام کرنے کی ہدایت دی۔
رپورٹ کے مطابق، اکشے کی چوٹ کے باوجود فلم کی عکسبندی دیگر اداکاروں کے ساتھ جاری رہی۔ اکشے کمار اپنی چوٹ کے باوجود بہت جلد سیٹ پر واپس آنے کے لیے پُرعزم ہیں تاکہ فلم کی شوٹنگ میں مزید تاخیر نہ ہو، کیونکہ یہ فلم اس وقت تکمیل کے آخری مراحل میں ہے۔
