نیویارک : معروف امریکی گلوکارہ و اداکارہ سلینا گومز نے اپنے 36 سالہ دوست بینی بلانکو سے منگنی کا اعلان کر دیا ہے۔ 32 سالہ سلینا نے یہ خوشی کی خبر سوشل میڈیا پلیٹ فارم انسٹاگرام پر شیئر کی، جہاں انہوں نے پوسٹ کے کیپشن میں لکھا: "ہمیشہ کا آغاز اب ہوتا ہے۔"
سلینا کی اس پوسٹ پر کمنٹ سیکشن میں بینی بلانکو نے اداکارہ کو اپنی اہلیہ قرار دیا، جس سے ان کی منگنی کا باضابطہ اعلان ہو گیا۔ دونوں شخصیات کی یہ محبت اور خوشی بھرے لمحات ان کے مداحوں اور شوبز انڈسٹری سے وابستہ افراد کے لیے خوشی کا باعث بنے ہیں، جو سلینا کو مبارکباد دینے کے ساتھ ساتھ ان کے لیے نیک خواہشات کا اظہار کر تے نظرآرہے ہیں۔
غیر ملکی میڈیا کے مطابق، سلینا اور بینی کی محبت 2023 میں شروع ہوئی تھی اور اب دونوں نے اس رشتہ کو ایک نئی منزل تک پہنچا لیا ہے۔
