اسلام آباد:پاکستانی اداکارہ ثناء جاوید، جنہوں نے ڈراموں پیارے افضل، خانی، اور اے مشتِ خاک میں اپنی بہترین اداکاری سے شہرت حاصل کی، حالیہ دنوں اپنے نئے لباس کی وجہ سے خبروں میں ہیں۔
ثناء جاوید نے انسٹاگرام پر اپنے ایک شوٹ کی تصاویر شیئر کیں، جن میں وہ مکمل سیاہ لباس میں اسٹائلش انداز میں نظر آئیں۔ ان تصاویر نے جہاں سوشل میڈیا پر توجہ حاصل کی، وہیں مداحوں کی جانب سے سخت تنقید کا سامنا بھی کرنا پڑا۔ صارفین نے ان کے لباس کو ناپسند کرتے ہوئے شدید ردعمل کا اظہار کیا۔
یاد رہے کہ گزشتہ برس ثناء جاوید نے پاکستان کرکٹ ٹیم کے سابق کپتان شعیب ملک سے شادی کر کے سب کو حیران کر دیا تھا۔ اس جوڑی کو ابتدا میں تنقید کا سامنا کرنا پڑا، تاہم اب وہ اپنی زندگی کے خوشگوار لمحات سے لطف اندوز ہو رہے ہیں اور دنیا بھر کا سفر کر رہے ہیں۔
