اسلام آباد: وزیراعظم عمران خان نے کہا پاکستان ماحولیاتی تبدیلی کے اثرات پر قابو پانے کے لئے تمام طریقہ کار کو بروئے کار لا رہا ہے۔
موسمیاتی تبدیلیوں پر پیرس معاہدے کی پانچویں سالگرہ پر بین الاقوامی آن لائن سمٹ سے خطاب کرتے ہوئے وزیراعظم نے کہا پاکستان کا ماحولیاتی آلودگی میں حصہ ایک فیصد سے بھی کم ہے اور پاکستان اس آلودگی سے دنیا میں پانچواں سب سے زیادہ متاثر ہونے والا ملک ہے۔
ان کا مزید کہنا تھا جہ ہم نیشنل پارک کی تعداد میں اضافہ کر رہے ہیں اور ان کی تعداد 30 سے 45 کریں گے اور ماحولیاتی تبدیلی کے اثرات پر قابو پانے کے لئے تمام اقدامات کرے گا اور پاکستان کلین انرجی کی جانب گامزن ہے۔
PM @ImranKhanPTI says Pakistan's contribution to global emissions is less than one percent but unfortunately it is the fifth most vulnerable country to climate change@PakPMO @IPCC_CH @UNEP @COP26 #ClimateAction #IPCC #TogetherForOurPlanet https://t.co/vusav6JgMs pic.twitter.com/xa2kmBj4Tp
— Radio Pakistan (@RadioPakistan) December 12, 2020
عمران خان نے اپنے خطاب میں کہا کہ آئندہ تین سال میں دس ارب پودے اُگا رہے ہیں اور فیصلہ کیا ہے کہ کوئلے سے مزید توانائی پیدا نہیں کریں گے اور کوئلے سے چلنے والے پلانٹ کی جگہ ہائیڈرو پاور پلانٹ لگانے کا فیصلہ کیا ہے۔ انہوں نے کہا 2030 میں پاکستان کا 30 فیصد گاڑیوں کو بجلی پر منتقل کرنے کا بھی ہدف ہے اور اسی عرصے کے دوران مجموعی توانائی کے 60 فیصد کو کلین انرجی پر منتقل کرنے کا بھی ہدف ہے۔
