اسلام آباد:وزیر اعظم عمران خان نے چینی کی قیمتیں کم کرنے پر اپنی ٹیم کو مبارکباد دے دی۔
تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان نے کہا کہ ایک مہینہ پہلے 102 روپے میں فروخت ہونے والی چینی ملک بھر میں اوسطاً 81 روپے فی کلو میں فروخت ہو رہی ہے جبکہ کثیر جہتی حکمت عملی کے ذریعے چینی کی قیمتوں کو کم کرنے پر اپنی ٹیم کو مبارکباد دیتا ہوں۔
MashaAllah Sugar is selling at a national average of Rs 81 per kg vs Rs102 per kg a month back. I want to congratulate my team for bringing the sugar prices down through a multi pronged strategy.
— Imran Khan (@ImranKhanPTI) December 12, 2020
قبل ازیں وفاقی وزیر اسد عمر نے ٹوئٹ کرتے ہوئے کہا کہ گزشتہ ایک ماہ کے دوران ملک میں چینی کی اوسط قیمت میں 31 روپے فی کلو کمی ہوئی ہے، جب بگڑا ہوا نظام بدلنے کی کوشش ہوتی ہے تو اس نظام سے مستفید ہونے والے مزاحمت کرتے ہیں۔
وفاقی وزیر اسد عمر نے کہا ہے کہ اگر وہ طاقتور لوگ ہوں تو مزاحمت زیادہ ہوتی ہے، لیکن اگر حکومت نیک نیت اور باہمت ہو تو آخر کار کامیاب ہوتی ہے۔
