کراچی: سندھ میں بھی ایئر ایمبولینس سروس شروع کردی گئی ہے۔ پنجاب کے بعد سندھ میں ایئر ایمبولینس کا قدم اٹھایاگیاہے۔
اس حوالے سے سندھ لوکل کونسلز ایسوسی ایشن اور نجی ایوی ایشن کمپنی اے ایس ایس ایل کے درمیان معاہدہ طے پاگیا۔
کراچی میں ایئر ایمبولینس سروس کے معاہدے کی تقریب سے خطاب میں وزیر منصوبہ بندی و ترقیات سندھ ناصر حسین شاہ نے صوبے میں ایئر ایمبولینس سروس کے آغاز کو بلاول بھٹو زرداری کا وژن قرار دیا۔
انہوں نے ایئر ایمبولینس کا دائرہ صوبے کے دیگر شہروں تک بڑھانے کا اعلان بھی کیا۔وزیر بلدیات سعید غنی کا اس بارے میں کہنا ہےکہ گھوٹکی، سکھر، خیرپور سے مریضوں کو ایئر ایمبولینس سے کراچی منتقل کیا جائے گا۔
