انقرہ: پاکستان کے ارشد ندیم نے ترکی میں جاری اسلامی یکجہتی گیمز میں بھی جولین تھرو میں گولڈ میڈل حاصل کرلیا ہے۔ 6 دنوں میں ان کا یہ دوسرا گولڈ میڈل ہے۔
نیو نیوز کے مطابق ارشد ندیم نے اسلامی یکجہتی گیمز میں نیا ریکارڈ قائم کیا ہے۔ اور 88.55 میٹر تھرو کیا ہے جو کہ ان گیمز میں سب سے زیادہ ہے۔
واضح رہے کہ گزشتہ ہفتے ارشد ندیم نے برطانیہ میں ہونے والی دولت مشترکہ گیمز میں بھی طلائی تمغہ حاصل کیا تھا۔
