راولپنڈی: پاکستان سپر لیگ (پی ایس ایل) کے 10ویں سیزن کے دوسرے میچ میں کوئٹہ گلیڈی ایٹرز نے پشاور زلمی کو شاندار کھیل کے بعد شکست دے دی۔
یہ میچ راولپنڈی کے کرکٹ اسٹیڈیم میں کھیلا گیا، جہاں پشاور زلمی کے کپتان بابر اعظم نے ٹاس جیت کر فیلڈنگ کا فیصلہ کیا۔
پشاور زلمی کی ٹیم کا آغاز اچھا نہ رہا اور بابر اعظم سمیت پانچ کھلاڑی بغیر کوئی رن بنائے پویلین واپس لوٹ گئے۔ اس دوران، علی رضا نے بغیر کوئی رن بنائے ناٹ آؤٹ رہ کر غیر معمولی مظاہرہ کیا۔
زلمی کے اوپنر صائم ایوب نے 4 چھکوں اور ایک چوکے کی مدد سے 50 رنز بنا کر اپنی ٹیم کی طرف سے بہترین اننگز کھیلا، جبکہ حسین طلعت نے 35 اور مچل اون نے 31 رنز بنائے۔
کوئٹہ گلیڈی ایٹرز نے پہلے بیٹنگ کرتے ہوئے پشاور زلمی کو 217 رنز کا ہدف دیا۔ فن ایلن اور سعود شکیل نے 88 رنز کی شراکت داری قائم کی، تاہم فن ایلن 53 رنز بنا کر آؤٹ ہو گئے۔ کپتان سعود شکیل 59 رنز بنا کر پویلین لوٹے، جب کہ حسن نواز نے 41 رنز بنائے۔ کوشال مینڈس 35 اور ریلی روسو 21 رنز بنا کر ناٹ آؤٹ رہے۔
پشاور زلمی کی جانب سے سفیان مقیم، علی رضا اور ایلزی جوزف نے ایک ایک وکٹ حاصل کی۔
بابر اعظم نے ٹاس جیت کر فیلڈنگ کرنے کا فیصلہ کرتے ہوئے کہا کہ ان کی کوشش ہوگی کہ جلد از جلد حریف ٹیم کی وکٹیں حاصل کریں اور اچھا آغاز کریں۔
دوسری طرف سعود شکیل نے کہا کہ وہ میچ میں فتح کی بھرپور کوشش کریں گے اور ٹیم بہت مضبوط ہے، اسی لیے وہ بڑا ہدف دینا چاہتے ہیں۔