پیانگ یانگ:امریکی سی آئی اے کی جانب شمالی کوریا کے رہنما کم جانگ ان کے قتل کی کوشش کا انکشاف ہوا ہے ۔روسی میڈیا نے شمالی کوریا کی خبررساں ادارے کے حوالے سے دعویٰ کیا ہے کہ کم جونگ ان کو بائیو کیمیکل ہتھیاروں سے قتل کرنے کی کوشش اسی ہفتے کی گئی ۔کم جانگ اکثر میزائل تجربات کا مشاہدہ کرتے ہیں.
اس لئے امریکی اہل کاروں کے پاس انہیں نشانہ بنانیکا یہ اچھا موقع ہوتا ہے ۔جنوبی کوریا کے رکن پارلیمنٹ کا کہناہے کہ قتل کی ساز ش جنوبی کوریا کی چرائی جانے والی دستاویز میں بھی سامنے آئی ہیں ۔جنوبی کورین حکام نے ہیکنگ کی تصدیق کرتے ہوئے کہا ہے کہ جنوبی کوریا کے دفاعی ڈیٹا سینٹر سے 235 گیگابائٹس فوجی دستاویزات بھی چرائی گئی ہیں۔
ہیکرز کی جانب سے چوری کی جانے والی معلومات میں امریکا اور جنوبی کوریا کی وزارت دفاع کی حساس دستاویزات سمیت مشترکہ جنگی منصوبوں کے علاوہ اہم پاور پلانٹس اور فوجی تنصیبات کے حوالے سے معلومات بھی شامل ہیں۔دوسری جانب شمالی کوریا نے الزامات کی سختی سے تردید کی ہے۔واضح رہے جنوبی کوریا نے مئی میں ڈیٹا چرائے جانے کی تصدیق کی تھی۔
