بیجنگ: چینی وزارت خارجہ کے ترجمان لین جیان نے کہا ہے کہ پاک چین تعلقات کو کمزور کرنے کی کوئی کوشش کامیاب نہیں ہوگی۔
انہوں نے کہا کہ چین پاکستان کے ساتھ دہشت گردی کے خلاف جنگ میں کھڑا ہے اور دونوں ممالک کے درمیان تعاون جاری رہے گا۔ چین نے اس عزم کا اظہار کیا کہ پاکستان اور چین باہمی تعلقات کو سبوتاژ کرنے والی تمام سازشوں کو ناکام بنائیں گے اور دہشت گردوں کو کیفر کردار تک پہنچانے کی صلاحیت رکھتے ہیں۔
چین پاکستان کی معاشی ترقی کی حمایت جاری رکھے گا اور دونوں ممالک کے درمیان تعاون کو مزید مستحکم کرے گا تاکہ عوام کو فائدہ پہنچے۔
