اسلام آباد :وزیر اعظم عمران خان نے کہا کہ عالمی برادری افغانستان میں انسانی بحران کو روکنے کیلئے اپنی ذمہ داریاں پوری کرے ،اس وقت افغانستان کو بحران سے بچانے کیلئے عالمی برادری کو اپنا کردار ادا کرنا ہوگا ۔
پاکستان مشکل وقت میں ہمیشہ افغان عوام کیساتھ کھڑا ہوا ہے۔ہم نےقائم مقام افغان وزیرخارجہ امیرخان متقی اور انکےوفد کو یقین دہانی کروائی ہےکہ افغانستان کو ہرممکن انسانی امداد فراہم کریں گے۔چنانچہ افغان عوام کےفوری ریلیف کیلئےہم ضروری اشیائےخورونوش، ہنگامی طبی لوازمات اور سرما کی شدت
— Imran Khan (@ImranKhanPTI) November 11, 2021
وزیر اعظم عمران خان نے اپنے ٹوئٹ میں کہا کہ پاکستان آنیوالے افغانوں کو مفت کوویڈ 19 ویکسین فراہم کرینگے ،پاکستان افغانستان کے اس بحران میں ہر ممکن مدد فراہم کرتا رہیگا ،وزیر اعظم نے کہا پاکستان ضروری اشیائے خور دونوش، ہنگامی طبی سامان افغانستان بھجوا رہا ہے ،عالمی برادری بھی افغانستان کو اس بحران سے نکالنے کیلئے مدد فراہم کرے ۔
سے بچاؤ کیلئے خیمے بھجوا رہے ہیں۔اسی طرح سرحد عبور کرکے پاکستان پہنچنے والے افغان شہریوں کو ہم کوروناء ویکسین بھی بلا معاوضہ فراہم کریں گے۔ عالمی برادری سے میری ایک مرتبہ پھر درخواست ہے کہ افغانوں کو درپیش اس بڑے انسانی بحران کے تدارک کےحوالے سے اپنی اجتماعی ذمہ داری پوری کرے۔
— Imran Khan (@ImranKhanPTI) November 11, 2021
وزیر اعظم نے پاکستان کے دورے پر آئے عبوری وزیر خارجہ کو یقین دلایا کہ پاکستان افغانستان کو ہر ممکن انسانی مدد فراہم کریگا جس کیلئے ضروری اشیائے خوردونوش، ہنگامی طبی سامان اور سردی سے بچاؤ کیلئے سامان افغانستان بھجوا رہے ہیں ۔
واضح رہے اس سے قبل وزیر خارجہ شاہ محمود قریشی نے افغانستان کے ایشو پر دو روزہ ٹرائیکا پلس اجلاس کا افتتاح کیا ،وزیر خارجہ کا کہنا تھا کہ عالمی برادری، افغان شہریوں کو معاشی بحران سے نکالنے کیلئے ان کی فوری انسانی معاونت کو یقینی بنائے،توقع ہے کہ عالمی برادری ماضی کی غلطیوں سے سبق سیکھتے ہوئے افغانستان کو تنہا چھوڑنے کی غلطی نہیں دہرائے گی۔
