سیمی فائنل سے پہلے پاکستان اورآسٹریلیا کے کھلاڑیوں کی ملاقات

کھیل 
 
سیمی فائنل سے پہلے پاکستان اورآسٹریلیا کے کھلاڑیوں کی ملاقات

دبئی : ٹی ٹوئنٹی ورلڈ کپ کے دوسرے سیمی فائنل سے قبل قومی کرکٹرز نے آسٹریلوی کرکٹرز سے ملاقات کی ہے ۔ دونوں ٹیموں کے کھلاڑیوں کی ملاقات خوشگوار دوستانہ ماحول میں ہوئی ۔

تفصیلات کے مطابق پاکستان اور آسٹریلیا کے درمیان سیمی فائنل سے قبل پاکستانی کھلاڑیوں عماد وسیم اور حارث رؤف کی  آسٹریلوی کرکٹرز مارکس سٹوئنیس اور ایڈم زمپا سے ملاقات ہوئی ہے ۔

پاکستان کرکٹ بورڈ (پی سی بی) نے سماجی رابطے کی ویب سائٹ ٹوئٹر پر کھلاڑیوں کی ملاقات کی ویڈیو شیئر کی ہے۔ویڈیو میں دیکھا جا سکتا ہے کہ آل راؤنڈر عماد وسیم آسٹریلوی کرکٹرز کو پاکستان کی ثقافت اور تفریحی مقامات سے متعلق بتا رہے ہیں۔

پاکستان بھر میں سردی کی شدت میں اضافہ

عماد وسیم انہیں بتاتے ہیں کہ ہمارے وزیراعظم عمران خان اپنے دور کے بہترین کرکٹر تھے۔انہوں نے بتایا کہ پاکستان میں کرکٹ سب سے زیادہ فالو کئے جانے والا کھیل ہے جب کہ ہاکی ہمارا قومی کھیل ہے۔

اس کے علاوہ دونوں کرکٹرز نے مارکس سٹوئنیس اور ایڈم زمپا کو پاکستان سپر لیگ (پی سی ایل) سے متعلق بھی بتایا۔

اس موقع پر پاکستانی کھلاڑیوں نے آسٹریلوی کھلاڑیوں کو دورہ پاکستان کی دعوت دی اور کہا کہ دونوں ٹیموں کی وجہ سے اچھی کرکٹ دیکھنے کو ملے گی  ۔

کراچی میں زیرِ سمندر انٹرنیٹ کیبل کی تنصیب کا عمل جاری