بالی ووڈ اداکارہ شروتی ہاسن کو قتل کی دھمکیاں

چنئی;   اداکارہ شروتی ہاسن نے بھارتی ریاست تمل ناڈو کے شہر چنئی میں پولیس کے سائبر کرائم سیل میں دو صفحات پر مشتمل شکایت درج کرائی ہے جس میں کہا گیا ہے کہ کرناٹکا سے تعلق رکھنے والا ایک شخص ڈاکٹر کے جی گرو پرساد 7ستمبر سے ٹوئٹر پر انہیں توہین آمیز اور غیر مہذبانہ پیغام ارسال کررہاہے۔ شروتی ہاسن نے اپنی درخواست میں کہا ہے کہ گرو داس ٹوئٹر پر انہیں ہراساں کرنے کے لیے انتہائی توہین آمیز زبان استعمال کررہا ہے، اس کے ٹوئٹس میں ایسی مغلظات شامل ہیں جو ناقابل بیان ہے۔ اس کے علاوہ ان سے نامناسب مطالبات کیے جارہے ہیں جنہیں نہ ماننے کی صورت میں انہیں قتل کرنے کی دھمکی دی جارہی ہے۔شروتی ہاسن نے پولیس سے مقدمہ درج کرنے کی درخواست کی۔