لاہور: زندگی کے مختلف شعبوں کی طرح پاکستانی شوبزانڈسٹری کے متعدد فنکاروں نے بھی مقبوضہ بیت المقدس میں اسرائیلی جارحیت اور مظلوم فلسطینی مسلمانوں پر فائرنگ کی شدید مذمت کی ہے۔
رمضان المبارک کا بابرکت مہینہ قبلہ اول میں پر امن فلسطینی نمازیوں پر اسرائیلی فوجیوں کی فائرنگ اس سے زیادہ ظلم اور جبر بھلا اور کیا ہوسکتا ہے۔
سابق فلمسٹار نور بخاری کہتی ہیں کہ ہمارے فنکار اور معروف شخصیات اس ظلم کے خلاف کیوں خاموش ہیں؟ ایک روز سب کو جواب دہ ہونا پڑے گا۔
View this post on Instagram
اسی طرح اداکار اُشنا شاہ نے کہا ہے کہ اسرائیلی فوج کے علاوہ عالمی میڈیا اور بااثر ممالک بھی فلسطینی عوام کے ساتھ ظلم کر رہی ہے۔
View this post on Instagram
معروف ایکٹر فیروز خان اسرائیلی فوج کے مظالم کے سامنے گرفتار کی جانے والی فلسطینی خاتون کی مسکراہٹ اور بلند حوصلے کو دیکھ کر متاثر ہوگئے۔انہوں نے اپنے سوشل میڈیا پلیٹ فارم انسٹاگرام سے پوسٹ کی کہ " یہ ایسے حالات میں بھی جس طرح ، مسکرارہی ہیں! میں اس مسکراہٹ کا فین ہوگیا ہوں"۔
View this post on Instagram
معروف گلوکار عاصم اظہر نے بھی مسجد الاقصیٰ حملے پر دُنیا کی خاموشی دیکھ کر شدید برہمی کا اظہار کیا ہے۔
