اسلام آباد:پاکستان تحریک انصاف (پی ٹی آئی) اور جمعیت علمائے اسلام (ف) کے درمیان گزشتہ رات ہونے والی ملاقات کی تفصیلات سامنے آ گئی ہیں۔ ذرائع کے مطابق، پی ٹی آئی نے جے یو آئی (ف) سے سیاسی اتحاد کے لیے ٹی او آرز (شرائط) مانگے ہیں، جن پر بانی پی ٹی آئی عمران خان سے مشاورت کی جائے گی۔
ذرائع کا کہنا ہے کہ جے یو آئی (ف) نے ٹی او آرز پر مولانا فضل الرحمن سے مشاورت کے لیے مزید وقت مانگا ہے۔ پی ٹی آئی کے ذرائع کے مطابق، یہ اتحاد انتخابی نہیں بلکہ سیاسی نوعیت کا ہوگا، اور عمران خان چاہتے ہیں کہ مولانا فضل الرحمن ملکی سیاسی صورتحال کے حوالے سے گرینڈ اپوزیشن الائنس کا حصہ بنیں۔
دریں اثنا، محمود اچکزئی نے شاہد خاقان عباسی کو اپوزیشن اتحاد میں شمولیت کی دعوت بھی دی ہے، جس سے اپوزیشن میں مزید سرگرمیاں متوقع ہیں۔
