کراچی:محکمہ موسمیات کے مطابق کراچی میں آج اور کل کا موسم گرم اور خشک رہنے کا امکان ہے، جہاں درجہ حرارت 34 سے 36 ڈگری سینٹی گریڈ تک پہنچ سکتا ہے۔ تاہم، 13 یا 14 مارچ سے موسم میں بہتری کی توقع ہے اور درجہ حرارت میں کمی آ سکتی ہے۔
پیر کے روز کراچی میں ریکارڈ کیا گیا زیادہ سے زیادہ درجہ حرارت 39.1 ڈگری سینٹی گریڈ تھا، جو اس ماہ کا سب سے زیادہ درجہ حرارت تھا۔
ملک کے دیگر علاقوں میں آج پنجاب، خیبرپختونخوا، شمالی بلوچستان، کشمیر اور گلگت بلتستان میں کہیں کہیں بارش کی توقع ہے، جبکہ بالائی علاقوں میں پہاڑوں پر برفباری کا امکان ہے
