کراچی: کراچی کے علاقے لانڈھی میں گارمنٹس فیکٹری میں کل دوپہر کو لگنے والی آگ پر 18 گھنٹے بعد قابو پا لیا گیا ہے تاہم عمارت میں کولنگ کا عمل اب بھی جاری ہے۔ چیف فائر آفیسر فیصل صدیقی کے مطابق فیکٹری کی تیسری منزل پر کیمیلز کے ڈرمز کی وجہ سے آگ بجھانے میں شدید دشواری کا سامنا کرنا پڑا اور فوم کا استعمال کرنا پڑا جب کہ آگ بجھانے کے عمل میں فائر بریگیڈ کی 12 گاڑیوں اور 2 واٹر بازر نے حصہ لیا۔
فائر بریگیڈ حکام کے مطابق آگ لگنے کی وجہ تاحال معلوم نہیں ہو سکی ہے لیکن مسلسل آتشزدگی کے باعث عمارت مخدوش ہو چکی ہے اور کسی بھی وقت گر سکتی ہے۔
دوسری جانب فیکٹری مالک کا کہنا ہے کہ آگ لگنے کے فوری بعد فائر بریگیڈ کو اطلاع کر دی تھی لیکن جب فائر بریگیڈ کی گاڑیاں پہنچیں تو آدھی سے زیادہ فیکٹری جل چکی تھی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
