اسلام آباد: اسلام آباد پولیس میں ماہر سابق فوجی بھرتی کیے جائیں گے ۔ اسلام آباد پولیس کے لیے مختلف شعبوں کے ماہر سابق فوجی بھرتی کرنے کا فیصلہ کیاگیا ہے۔
پولیس ذرائع کے مطابق ابتدائی طور پر 200 سابق فوجیوں کو اسلام آباد پولیس میں بھرتی کیا جائے گا۔سابق فوجیوں کی بھرتی کے لیے تعلیمی قابلیت میٹرک اور عمر کی حد 42 سال ہو گی۔ذرائع نے مزید بتایا ہے کہ سابق فوجیوں کو حساس عمارتوں اور ریڈ زون کی سکیورٹی پر تعینات کیا جائے گا۔
ذرائع کے مطابق بھرتیوں کے لیے کریکٹر سرٹیفکیٹ، قومی شناختی کارڈ اور تعلیمی اسناد لازمی ہوں گے۔