لاہور: نگراں وزیراعلیٰ پنجاب محسن نقوی نے کہا ہے کہ دریائے چناب میں درمیانے درجے کا سیلاب ہے جبکہ باقی دریاؤں میں پانی کا بہاؤ معمول کے مطابق ہے۔
سماجی رابطے کی ویب سائٹ ٹویٹر پر اپنا بیا ن جاری کرتے ہوئے نگراں وزیر اعلی پنجاب محسن نقوی نے کہا کہ دریائے چناب میں اس وقت خانکی اور قادر آباد کے مقام پر ڈیڑھ لاکھ سے دو لاکھ کیوسک پانی گزر رہا ہے اور درمیانے درجے کا سیلاب ہے، تاہم پنجاب میں دیگر دریاؤں میں پانی کا بہاؤ معمول کے مطابق ہے۔ انہوں نے مزید کہا کہ ہر چھ گھنٹے بعد متعلقہ محکموں سے اپ ڈیٹ حاصل کر رہے ہیں۔
Currently Medium ranged (1.5 lac to 2.0 lac cusecs) flood discharge is gauged in River Chenab at following two points only.
— Mohsin Naqvi (@MohsinnaqviC42) July 10, 2023
1. Khanki
2. Qadriabad
However, rest of the rivers are gauged at normal ranged water flow.
Flood situation in Punjab is under control and there is…
دوسری جانب نیشنل ڈیزاسٹر مینجمنٹ اتھارٹی (این ڈی ایم اے) کی جانب سے کہا گیا کہ مختلف موسمیاتی ماڈلز کےمطابق دریائے چناب،راوی ستلج اور منسلک نالوں بھمبر،ایک،دیگ،بین پلکھو اور بسنتر میں درمیانے درجے کا سیلاب متوقع ہے۔ تاہم پانی ندی/نالوں تک محدود رہنے کا امکان ہے،جسکا ممکنہ اثر صرف دریا کنارے سے ملحق نشیبی علاقوں پر ہو سکتا ہے۔
چیئرمین این ڈی ایم اے نے موجودہ صورتحال کے پیش نظر متعلقہ اداروں کو الرٹ رہنے، دریاؤں،ندی نالوں سے منسلک آبادیوں کے بروقت انخلاء اور محفوظ مقامات پر منتقلی کیلئے ہدایات دے دیں۔
انہوں نے کہا کہ متعلقہ انتظامیہ عارضی طور پر منتقل کیے گئے افراد کا ریکارڈ رکھتے ہوئے تمام بنیادی ضروریات کا خیال رکھاجائے۔ پی ڈی ایم اے پنجاب دریائے چناب، راوی، ستلج اور منسلک نالوں کے گرد نشیبی علاقوں کے مکینوں کو بروقت اطلاع دیتے ہوئے انخلاء کو یقینی بنائے۔ ریسکیو سروسز افواج پاک،این جی اوز خطرے سے دوچار علاقوں میں ہنگامی صورتحال میں فوری ردعمل کو یقینی بنانے کیلئے انتظامات مکمل رکھیں۔
