اسلام آباد: وفاقی وزیر داخلہ شیخ رشید احمد نے صورتحال کنٹرول میں آنے پر آج رات 9 بجے سے مری اور گلیات کو کھولنے کا اعلان کر دیا۔
نجی ٹی وی کے پروگرام میں گفتگو کرتے ہوئے شیخ رشید نے کہا کہ مری کو آج رات 9بجے کھول دیا جائے گا۔ایک لاکھ 64 ہزار گاڑیاں مری چلی گئیں ہمیں روکنا چاہئے تھا لیکن لوگ رک نہیں رہے تھے پولیس سے الجھ رہےتھے ہم نےکئی گاڑیوں کو روکنے کی کوشش کی لیکن لوگ جانا چاہتے تھے یہ پولیس کے بس کا کام نہیں تھا ہم نےفورسز سےمدد لی۔
پروگرام میں گفتگو کرتے ہوئے تحریک انصاف کے رہنما علی نوازاعوان نے کہا کہ اپوزیشن کے کون سے رہنما مری گئے ہیں؟ اپوزیشن کے لوگ صرف ٹی وی پر بیٹھ کر تنقید کرتے ہیں پہلی اپوزیشن ہے جو لوگوں کے درد کا حصہ نہیں بننا چاہتی صرف تنقید کرتی ہے۔
مسلم لیگ ن کے رہنما و سابق گورنر سندھ محمد زبیر نے گفتگو کرتے ہوئے کہا کہ مری کی صورتحال پرعثمان بزدار کو خراج تحسین پیش کرتا ہوں مری میں لوگ مر رہے تھے اور وزیراعلیٰ پنجاب میٹنگ میں مصروف تھے جمعہ کی شام سے وزیراعلیٰ پنجاب نےکیا اقدامات کیےتھے؟
