اسلام آباد:لیبیا کے ساحل پر ہونے والے کشتی حادثے میں 63 پاکستانیوں کے سوار ہونے کی تصدیق کی گئی ہے۔ وزارت خارجہ کے مطابق اس حادثے میں 16 افراد کی لاشیں نکالی جا چکی ہیں اور 37 پاکستانی محفوظ ہیں۔
ترجمان وزارت خارجہ نے بتایا کہ 10 پاکستانی ابھی تک لاپتا ہیں اور ان کی تلاش جاری ہے۔ بچ جانے والے 33 افراد پولیس کی حراست میں ہیں، جبکہ ایک شخص اسپتال میں علاج کروا رہا ہے۔
وزارت خارجہ نے جاں بحق ہونے والے افراد کے نام جاری کیے ہیں۔ ان میں سے بیشتر کا تعلق خیبرپختونخوا کے کرم ضلع سے ہے۔ جاں بحق افراد میں ثقلین حیدر، شعیب حسین، نصرت حسین، شعیب علی، سید شہزاد حسین، عابد حسین، آصف علی، مصور حسین، اسور حسین، عابد حسین، مصیب حسین، اشفاق حسین اور شاہد حسین شامل ہیں۔ اس کے علاوہ سراج الدین باجوڑ، محمد علی شاہ اورکزئی اور انیس خان پشاور سے ہیں۔
