قندوز:افغانستان کے شہر قندوز میں ایک خودکش دھماکے میں 25 افراد جاں بحق اور متعدد زخمی ہو گئے ہیں۔ افغان میڈیا کے مطابق یہ دھماکہ ایک بینک کے باہر اس وقت ہوا جب سرکاری ملازمین اپنی تنخواہیں وصول کر رہے تھے۔
اب تک کسی بھی تنظیم نے اس دھماکے کی ذمہ داری قبول نہیں کی ہے۔ عینی شاہدین کے مطابق، دھماکے کے بعد 17 لاشیں قندوز ڈسٹرکٹ ہسپتال لائی گئیں اور دیگر اسپتالوں میں بھی زخمی اور لاشیں پہنچائی گئیں۔ اطلاعات کے مطابق جاں بحق ہونے والوں میں زیادہ تعداد طالبان اہلکاروں کی ہے۔
افغان سکیورٹی فورسز نے فوری طور پر علاقے کو گھیرے میں لے لیا اور امدادی کارروائیاں شروع کر دیں۔
