کراچی: معروف دینی درسگاہ دارالعلوم کراچی میں جنید جمشید کی قبر تیار کرلی گئی ہے جبکہ امید ظاہر کی جارہی ہے کہ ان کی نماز جنازہ نیشنل سٹیڈیم میں ادا کی جائے گی۔
نیو نیوز کے مطابق جنید جمشید کے بھائی ہمایوں جمشید نے نیشنل سٹیڈیم کراچی کا دورہ کیا اور جنید جمشید کی نماز جنازہ ادا کرنے کے حوالے سے غور کیا۔ دوسری جانب دارالعلوم کراچی میں جنید جمشید کی قبر تیار کرلی گئی ہے جہاں ان کی میت کی شناخت کے بعد تدفین کی جائے گی۔
واضح رہے کہ نائب مہتمم دارالعلوم کراچی جسٹس (ر) تقی عثمانی نے ایک انٹرویو میں کہا تھا کہ جنید جمشید نے دارالعلوم میں اپنی تدفین کی خواہش کا اظہار کیا تھا۔